صباح الخير ^^
كيفكم انشالله طيبين وحشتوني ووحشني التدوين
ااااخ بس الكويك نت مفصول والشبكه مضروبه عندنا كل جيراننا متقاطين بشبكه وحده :(
يعني اسوء انواع الاتصال بالانترنت
اسبوعي كان حافل جداا بصراحه مدري كيف كان رح يكون وضعي لو مااشتغل بالروضه
كسبت صاحبات جدد وخشيت عالم جديد غير عالمي القديم والدائره المفرغه الي كنت عايشه فيها ... !
عموما عندي كم بيك بوريكم هياا انشالله تعجبكم $
نوني كان مبيت عندنا ^^ صاحي والوجه مفققققققع من كتر النوم
هدولي عيالي السكاكر بسم الله عليهم من اليمين عزيز - صلوح - ساره << تطالع لصلوح ؛؛ سلامات يبو ايشبك اتحمستي هههههههههههه <<
غفران - وحبيب قلبي عبد المولى
البقيه مدري وينهم
يسعدلي الابتسامه يارب ^^
دا الكلب جابتو ليا سوس هديه ووه ووه فديتها ^^
قبل اسبوعين تقريبا لمن كنا بالاندلس رحت اشتري كوب قهوه وراعي المحل يوزع المجله دي
لقيت فيها مقال عن رسامين سعوديين يبو يسوي مسلسل بلال بن رباح فيلم كرتوني متقن الرسم زي منتو شايفين
ع اساس بدل مايتفرج البزران سبايدر مان والتاني وسبونج بوب ^^ يتابعو قصص الصحابه الي كلها انجازات
فكره حلوه والاخراج شكلو حيطلع حلو لانو الرسم جدا متقن
اتوقع لهم نجاح باهر ^^
نفسي اعرف ايش قلها ..!! ؟
ت
يازينو بس اتحادي ^^
ت
دي الصور ايام موجة الغبار الي اكتسحت جده قبل اسبوع السواق مدري ليش قاط معايا بالصوره هع
ة
اخيرررا فكو كبري فلسطين
بعد طول عنااء وسنين من الحفر والزحمه اثمرت جهودنا وصبرنا
وبدأت مشاريع جده فعليا بالانتهاء ..
وبسـ خلود بنت خالتي اخدت كامي
قال ايش تبي تصور ولادتها ..
قال ايش تبي تصور ولادتها ..
اخدتها من اسبوع وقالتلي خلاص انا بولد بدي اليومين
ااااخ يعني ليا اسبوع بدون كااام
مافي الا كام الجوال التعبان
مافي الا كام الجوال التعبان
الله المستعان متي تولد بس
بالسلامه يعني مو عشان كامي لا عشان سلامتها
مدرسة ريم مسوين مهرجان < بازار
ياربيه مرااا حوسه وزحمه
رحت معاها يوم الاتنين انا وسوس ورويدا
والتلوت سحبت عليهم جيت من شغلي تعبااااانه
بس امس رحت وجات صاحباتي العزيزه شيووووم مع اختها
كويس انها جات ولا كنت حطق لحالي
كان ودي اصور الاركان بس ممنوع التصوير ..!!
اصلا ماتحمست اصور بالجوال .
بس صراحه بازار متعوب عليه
مسوين حوالي 13 ركن .
كل ركن بفصل انا مسكت ركن الالعاب الادراكيه **
مدري اليوم اروح ولا لآ اليوم اخر يوم
حيكووون مرااا زحمه
انصدمت بكمية الناس الي يجوو ..
ادري انو طولت عليكم
اشوفكم ع خير انشالله
لا تحرموني تعلقياتكم القميله :)
0 التعليقات:
إرسال تعليق